Riristaanku Bulan Puasa
Penulis : Samsul Bahri
Yakin pang sudah amun awak ini bakal babulik
Asal tanah manjadi tanah
Tapi kanapa jua bahanu-hanu
Ada rasa kulir baibadah
Bahanu-hanu titik banyu mata
Kaganangan bakal babulik
Sangu apa nang sudah didapat
Mulai balik sampai bahuban rambut
Pinggang karikut-karikut bamula sakit
Panglihatan lamur mulai bamata ampat
Lintuhut bamula manggitir bila barangkat
Pancirian bakal barangkat sudah mahibak
Saikung-saikung kawan badahulu
Mahadap Tuhan nang maha tahu
Innalillah mudahan salamat sampai nang dituju
Nageri akhirat nageri nang kekal dan dikekalkan-Nya
Ya Allah ya rabb
Aku rabah dihadapan Pian
Mamuhun ampun tinggalam dalam tubat
Asstagfirullahal azim Wa’atubu ilaih
Tidak ada komentar:
Posting Komentar